（2023年2月24日）由陳維冠（Joe）監製、鄭成武編審的《G-NiiB 微生態配方特約：新四十二章》，逢周一至五晚八點半翡翠台播映，主要演員有陳豪、龔嘉欣（Katy）、鄭子誠、江嘉敏（Kaman）、周嘉洛、鄺潔楹（Judy）、譚凱琪（Zoie）、糖妹（黃山怡）、林景程及易宇航等。
昨晚（23日）劇情講述Nasa（糖妹飾）為了奪得大寶丹，不但派手下施朗（戴耀明飾）前往柯太（馬海倫飾）家中偷古琴，又找來螢嬌（龔嘉欣飾）告知Edith （李君妍飾）死訊，並說服阿嬌協助尋找大寶丹令Edith起死回生。昨晚施朗潛行柯太家時，遇上長期守護柯太身邊的都叔（鄭家生飾）出手阻撓，最終都叔請施丹食盡「無情掌」後將其送出家門，並施展招牌「飛天絕技」，由於彈得又高又遠，再度折服網民：「真係好勁」，「冇揸流攤」；更有心水清網民指出都叔另一維度身份是默默守護在陳圓圓身邊數十年的刀王，武功與總舵主不相伯仲之餘又為人浪漫，難怪角色一直備受熱議。問到家生如何練得「飛天」神功，13、4歲已在戲班練功的他謙稱謂：「其實想彈跳力強，最緊要要強壯，拉多啲筋，做多啲運動，自自然然好啲架喇。」
入行三十年打得最甘今次
與家生對打的明仔，受訪時透露該場僅一分鐘的對打戲，由晚上八點拍至凌晨五、六點，難度在於因為要符合劇情免吵醒熟睡的柯太，故二人要全程靜雞雞武鬥，相當搞笑：「主要時間都花喺夾Timing度，例如花樽跌落地係快係慢其實控制唔到，攝影師都辛苦咗成晚。」他搞笑指打戲幾乎全親身上陣是為了贏得更多大頭鏡頭，之後再正色補充謂：「入行三十年打得最甘今次，因為要話畀人知電視演員唔係吓吓用替身。我都五十歲，一係唔好打，一打就盡力而為，所以盡量親身上陣。同埋好多人覺得電影打得勁過電視，我係有少少唔憤氣，都希望大家覺得我哋電視藝人係似樣嘅。」明仔又謂由於拍攝時受傷不計其數，日積月累下令自己驚現「骨癌」疑雲，自己嚇自己：「其實就係呢套嘢打吓撞吓搞到啲骨突咗出嚟，當時嚇到鼻哥窿都冇肉，後尾知道係骨膜受傷發炎。」
而阿嬌得悉好友Edith死訊後，哭得像個孩子之餘，又因不能被其他人看到哭得更為淒涼；對於嘉欣壓抑式喊功，網民都均為受落，大讚她演技到位：「感受到龔嘉欣係好畀心機做每一場戲，除咗喺房喊嗰段，佢見到Edith喺雪櫃裡面嗰場都係做得好有感染力」、「嘉欣呢場喊戲做得好好」。昨晚另一亮點，是柯仔（周嘉洛飾）意外發現的一張照片，照片中的清朝女子更引發網民無限想像，紛紛揣測該名女子真實身份，有網民競猜是糖妹之餘，還大嘆分不清Nasa到底是忠是奸，令糖妹角色更添神秘感。
