（2023年2月22日）由邵氏兄弟及優酷出品，樂易玲擔任總製片人的《廉政狙擊》，逢周一至五晚九點半翡翠台播映，由黃宗澤、吳卓羲、王浩信、譚俊彥、胡定欣、蔡思貝、林夏薇、黃智雯領銜主演，主要演員有陳展鵬、黃智賢、郭政鴻、方力申、高鈞賢、黃子恆、蔡潔、傅嘉莉、羅霖、黎燕珊等。
蔡思貝昨晚（21日）的出場方式相當特別，飾演廉政公署調查主任黎曉山的思貝，熱血及正能量指數全線過晒籠，兼且天馬行空，經常激到拘謹又認真的洛子峰（黃宗澤飾）生蝦咁跳。昨晚劇情講述曉山為了由原本的部門調往廉政公署跟隨譚俊彥飾演的章耀祖，竟自導自演一條超騎呢見工片，見工片段中，曉山可謂施展渾身解數，除了要Rap住兼懶型作自我介紹，又要化身運動達人上山下海兼玩埋射擊，最後更連頌缽都玩埋，相當無厘頭，子峰看畢自然頭都大埋。雖然性格像少了一根線，但曉山也相當英勇，且身手不凡，昨晚臨尾勇救黎學勤一幕，揸槍眼神更是狠中有勁。
思貝受訪時透露自己在劇中動作場面不算多，反而是負責緩和氣氛及搞笑：「啲劇情成日去到我度就會古怪咗，佢哋話我主要就係負責令觀眾放鬆，還有我的出現，就是要令到性格拘謹的洛子峰生命作出改變，希望大家都鍾意啦。」談到Rap住自我介紹的幕後花絮，以及拍攝時是否很尷尬時，她笑言：「因為導演要求我要Rap到懶有自信，但其實係要Rap得唔好，正所謂『認真做無聊事』，所以拍嘅時候要忍笑；還有介紹頌缽那個腔調，也特意是想令人看到噴飯，哈哈！所以這個是一個幾好玩的角色。」
約埋蔡思貝黃宗澤煮飯仔
黎燕珊亦同樣於昨晚粉墨登場，扮演黃宗澤角色子峰媽媽，更激罕地素顏上陣！平日多扮到靚一靚出席活動的珊姐，完全看不出已經58歲，這次「素顏」反差甚大之餘亦見突破，珊姐對此笑言：「我認為作為一個有要求嘅專業演員，造型非常緊要！劇入面我唔止素顏，我仲要再化老啲！因為我飾演單親媽媽，當中經歷咗好多嘢，所以我必須喺造型上花心思，要似佢哋媽咪先得。」談到保養之道，珊姐說：「冇咩特別，我鍾意做運動、少啲夜生活、食嘢都清淡，我認為運動先係我嘅保養重點！」珊姐又大讚劇中兒子黃宗澤與兒子同事蔡思貝很乖：「兩個都好有禮貌，好錫我，我哋閒時仲有約埋一齊煮飯食添！」
