J2 (82 台)明晚(10 日)9 點半有蘇民峰拍住 4 位 J2ers; 陳若思(Amber)、倪嘉雯(Carmen)、陳國麟(Doniven)同黃嘉雯(Carmaney)主持的《呢鋪開乜..開壇》, 解答風水命理疑難。今集會有《CP 訓練營》兩位學員馮建晞(Argus)同蔡浩洋(阿洋)擔任嘉賓, 請教師傅愛情及事業運。
今集《呢鋪開乜..開壇》主題講「壓力」, 原來蘇民峰在 2003 年沙士之後, 因為壓力患上怪病。他的壓力不是沒有生意, 反而因為生意太好忙到癲, 搞到全身毛孔出血, 他說..「2003 年沙士之後嘅 2004 年, 好多人買樓搵我睇風水, 仲話我一日未睇一日都唔郁裝修,隨時丟空成個月, 你話幾大壓力。」當時由早上 11 點半睇到晚上 11 點半, 每日 12個鐘工作, 壓力大到病, 試過半夜胃痛去急症, 但又找不到病源, 但每次飲香檳個胃就覺好酸, 他說..「頭皮、毛孔出血,睇極醫生都唔好。」去到 2005 年蘇師傅開始減產, 所有預約要等 11 個月。每月一次外遊旅行, 怪病不藥而癒, 師傅話..「而家搵我做嘢要下午 2 點後。」
每人壓力源頭不同, Carmen 最驚早起的拍攝通告, 會緊張到不能入睡、Doniven 未知何時有拖拍,漸漸變成壓力。師傅話睇印堂、眉心同法令紋, 可以看出一個人是樂觀還是悲觀性格,抗壓能力都不同。師傅又比貼士 Amber 同 Carmen 識男仔可以識嘴角同眼角向上的男仔, 到底點解? 師傅今晚揭曉。師傅又用 Amber 做例, 講她印堂飽滿「有阿 Q精神, 跌落地又會揦返拃沙」, 屬於自得其樂很看得開的人。Amber 接受訪問時都話..「對於小事情係好容易開心、又好容易生氣。但遇到大事情就抱樂觀嘅態度,天跌落嚟都當被冚個種。」
另外《MORAZ 天然草本皮膚靈呈獻:CP 訓練營》講 4 對男女生配對拍拖的真人騷, 周一至五晚 10 點半在 J2(82 台)熱播。其中兩位學員 Argus 同阿洋上節目做嘉賓, 他們把握機會搵師傅指點迷津。問起二人出生八字,發現他們不約而同都是壬寅日出生, 同今年壬寅年正好相沖, 是 60 年一遇, 會是人生情緒最波動一年,到底有什麼刑剋要留意? 師傅又批二人今年的桃花運,他們會不會在《CP 訓練營》搵到另一半?留意兩大節目, 就會有答案。
