(2022 年 8 月 5 日)踏入農曆七月，相傳是鬼門關大開的日子。J2 82 台就係咁大膽，盂蘭節前夕，今個星期六晚上 10 點半，推出由洪永城、C 君與盧思麟聯合監製，13 集原創 劇《凶宅清潔師》，13 會否代表不祥?劇集去年底在 myTV SUPER 上架，憑驚恐與懸疑的情節大受歡迎，今次觀眾可以在免費電視頻道欣賞。
《盂蘭節奉獻:凶宅清潔師》將於明晚(8 月 6 日)首播，動用實景拍攝，令劇集可觀性大增。明晚的重點講述洪永城如何成為驅魔人。今次他一改過往戇直、熱血青年形象，陸 軍裝配上充滿憤慨殺氣的眼神，一出場便令人不寒而慄。
劇中洪永城的驅魔捉鬼手法，完全可以用「兇殘」來形容，明晚第一集已表露無遺。首集的鬼不算兇惡，不過洪永城依然落重手。開始前他先用利器橫破手心，用紅繩做成結界， 點香令鬼現形。跟住使出虐鬼四式，第一招先用紅繩勒鬼頸，緊接第二式是柔道過頭摔， 直情將鬼當生魚撻。仲未夠喉，再將隻鬼拖到門邊，細心度好位，便開始用門撞「鬼頭」。 洪永城雖然明知鬼魂未必有痛的感覺，但他依然出盡力去撞，似乎有無盡怨氣要宣洩在眼前的鬼身上。到使出最後一招，鬼魂變成搖搖，它被帶到窗邊推落街，靠身上的紅繩縛住， 半天吊在大廈外。經歷一輪虐待，洪永城的內心似乎經過一番爭扎，開始為亡魂超度，口中唸「往生有時，落極樂，結」，鬼魂最終化成一粒圓珠。
身在北京的洪永城接受訪問，在角色設定時就想到加入 skin head，他說:「係自己要求， 一睇個角色就覺得係型嘅。同監製睇好多後生仔 fashion 參考。同埋大家都係睇漫畫長大，都有加入漫畫元素。」洪永城話招仔角色好沉重，背負怨恨同復仇，洪永城話:「招仔人生主軸就係報仇。故仔其實想教人放低包袱，可以舒服啲。」
《凶宅清潔師》中的洪永城，仿如電影《魔間行者》(Constantine)中奇洛李維斯一樣的現代驅魔師。至於他在劇中有過什麼遭遇，令他如此痛恨鬼，明晚首播的《凶宅清潔師》 會有答案。
