(2022 年 8 月 7 日)主題為「我超越我」的《聲夢傳奇 2》昨晚(6 日)八點半於翡翠台播出第八集。紅隊總監郭偉亮(Eric Kwok)率領的 Gin Lee(李幸倪)、泳兒(Vincy)、 林奕匡(Phil)隊，最終以 109 分勝出，拋離藍隊總監陳奐仁(Hanjin)率領的布志綸 (Alan)、林二汶(Eman)及 JW(王灝兒)隊共 18 分。
今集出場學員依次為文佐匡 Sean《Ice Ice Baby》(紅隊)、金永衡(金仔)《Toxic》(藍 隊)、Kiele@XiX+Caitlin@XiX《IfIAin’tGotYou》(紅隊)、黃洛妍Janee《s LadyMarmalade》 (藍隊)及彭家賢 Zayden《青春常駐》(紅隊)。由於藍隊之前多番領先，且一度大比數 拋離紅隊，正當以為藍隊必勝，紅隊今集三位出戰學員均發揮了超水準演出，包括由 XiX 成員 Kiele 及 Caitlin 組成的二重唱組合，突然發力獲得 21 分超高分的 Sean，以及守好 尾門鍊贏「聲夢魔王」Janees 的 Zayden，令紅隊成功後來居上兼出現如此戲劇性賽果。
落敗的藍隊最終需淘汰一名學員，三位導師為了保住自家組員出盡牙力。在第一輪「淘汰人選」中，侯雋熙 Duncan、金仔、蕭呈謙 Nicole 三人入圍，JW 與二汶更為 Nicole 應否「有得留低」爭拗不已，JW 說:「Nicole 爭啲技巧，佢需要改善嘅嘢唔係短期內可以 改到。」不過二汶卻力保心頭好謂:「長線真係見到呢個小朋友有潛質有 Dramatic 改變， 如果佢真係有星途，何必呢個時候嘥咗佢。」陳奐仁亦力讚 Nicole 有其獨有優勢:「佢 係有種特質可以咩都唔使做，都一樣得人鍾意。」
之後二汶提議將本輪憑《垃圾》唱出亮麗成績的陳昊廷 Timothy 加入被淘汰考慮之列， 皆因覺得對方潛力有限，惹來 JW 激動反對謂:「我真係 Foul 唔到佢，佢今次太 Shockingly Good，值得擁有多一次機會。」經過多番拉鋸，二汶決定捨棄本輪表現略為失色、兼欠缺「我超越我」精神的金仔，令覺得金仔不俗的 JW 大感進退兩難，最終 JW 放棄淘汰決定權，並情緒激動向二汶說:「I Will Kill You If Nicole Hasn’t Done Anything Good Next Time!」最終，藍隊總監陳奐仁忍痛宣布金仔成為本輪被淘汰學員，向來是開心果的金仔不但從容接受結果，還向導師們致謝以及安慰現場一眾落淚的學員謂:「唔好喊，喊咗要請食宵夜」。至於不捨金仔的 JW，直到宣布金仔被 Foul 一刻仍是淚流不停，需要 Alan 從旁安慰。
