（2023年1月4日）由黃偉聲監製，龍文康擔任編審的《中信銀行（國際）CITICdiamond特約：輕．功》，本周一至五晚九點半翡翠台播映結局周。昨晚一集劇情再現轉折，被網友鬧爆「絕世港女」的Chloe（簡淑兒飾）再度蒲頭，並帶上剛出生的BB約阿風（朱敏瀚飾）見面。風仔問Chloe手上為何綁着繃帶，Chloe口震震指老公（周志康飾）發現BB不是親生骨肉，並遭丈夫家人下令離婚，聽畢一臉愕然的阿風即問：「BB係我嘅？」Chloe只是默默點頭，再流淚自爆因患產後抑鬱曾割脈自殺，並指想離開香港散心；覺得Chloe甚是可憐的阿風，遂主動提出照顧BB……
鏡頭一轉，Chloe媽媽（韓馬利飾）原來一直在餐廳外的車上等候，並奸爆向Chloe說：「都估到個傻仔會要個BB架喇，賣仔勿摸頭呀，諗吓將來嘅日子點過好過啦！」最後Chloe爆喊看着阿風抱著BB離開……無啦啦添丁的「洪家」，之後因而發生不少事情，先有嵐嵐（蔣祖曼飾）覺得阿風再度被Chloe欺騙，遂要求驗DNA，可惜阿風一意孤行要湊大BB；而十一（黎耀祥飾）對於阿風的前景亦感到擔心，遂考慮復出參演《新輕功》，努力賺錢幫補阿風。
風仔囝囝曾演BB版朱仔
朱敏瀚（朱仔）受訪時透露雖然並非首次與BB合作演戲，但剛開始拍攝時仍相當「呢Hea」，他說：「今次係同BB最多戲份嘅一次，為求真實感，基本上每一場都係用真B去拍。記得第一日拍嘅時候抱親佢都喊，但朱朱（朱晨麗）抱佢又冇嘢喎，好有挫敗感。後來研究到呢個BB有個瞓覺姿勢係For佢舒服啲，之後就愈拍愈順利，對住BB都愈嚟愈冧，覺得自己好似奶爸咁。」
朱仔續指與劇中囝囝甚有緣分，他說：「佢喺《回歸光影頌：我的驕傲》入面係做我嘅BB版，同埋要讚一吓BB，佢好似出世就係為咗拍嘢咁，好識得咩時候笑咩時候喊，我都同BB媽咪留咗聯絡，等BB大個啲可以再見面。」問到首次演爸爸的他，會否嚮往做爸爸？朱仔坦言：「拍攝《輕．功》呢個過程，對住呢個BB係增強咗我生B呢個諗法，因為望住BB真係會好冧，有唔介意咩都畀晒佢嘅感覺。」
