由黃偉聲監製，龍文康擔任編審的《中信銀行（國際）CITICdiamond特約：輕．功》，逢星期一至五晚九點半翡翠台播放，演員陣容包括黎耀祥、龔慈恩、蔣祖曼、朱晨麗、朱敏瀚、鄭子誠、歐瑞偉、韋家雄、寶珮如、王綺琴及楊卓娜等。
豆瓣獲7.7分
播出兩周多的《輕．功》主打小品故事，溫馨貼地劇情引發觀眾共鳴，除了贏得不少正評，劇集更於內地豆瓣網獲得7.7分，成績不俗。昨晚一集，劇情講到志威（韋家雄飾）希望圓夢再拍電影《輕功》，遂鼓起勇氣面對當年因該片種下心結的吳錦賢（歐瑞偉飾），求對方出山完成劇本，惟錦賢以江郎才盡為由予以拒絕，志威改以激將法鬧錦賢是縮頭烏龜，兩人因此大打出手，勸交的十一（黎耀祥飾）更無辜硬食錦賢「兜錘窩面」。
61歲身手似足後生仔
今年劇接劇的瑞偉，先後參演了《鐵拳英雄》、《金宵大廈2》、《黯夜守護者》、《超能使者》、《輕．功》和即將播出的《有種好男人》，在《鐵拳》及《超能》中飾演大反派的他表現亮眼，贏盡好評；今次在《輕．功》的角色則有別以往、更考演技，相對比較文靜、內心戲較多，從演經驗多年的瑞偉當然亦輕鬆駕馭，展現出文質彬彬一面，獲網友大讚演乜似乜。瑞偉受訪時歸功於劇本寫得好：「呢個角色唔難演嘅，因為都唔多出聲，都係跟住劇本嚟演。其實錦賢背後有個故仔嘅，以前佢鍾意咗個當紅女演員，後來個女演員同咗第二個人結婚，但一切都只係佢一廂情願，呢個心結埋藏咗喺佢心入面好多年。」形象百變的瑞偉除了奸又得忠又得，還是龍虎武師出身，早前在《愛．回家之開心速遞》中更表演後空翻，年屆61歲依然身手敏捷，十足後生仔。
謙稱唱歌唔叻
提到在劇中再開金口唱歌，瑞偉謙稱：「都係唱番自己熟悉嘅歌，難度都唔算高，但都係要練吓歌，同埋我冇乜唱歌癮，因為始終唱歌都唔係叻，出去登台來來去去都係唱嗰幾首。」講到「凌波大廈」街坊關係密切似足一家人，瑞偉笑言：「大家本身都好熟，所以開工時都好輕鬆，最好笑係韋家雄同埋楊卓娜，佢哋兩個成日喺度扮到狗咬狗骨，搞氣氛氹大家開心！」
