由監製文偉鴻（Jazz）、編審盧美雲和梁恩東聯手打造的一連25集無綫55周年台慶劇《星展銀行呈獻：超能使者》逢星期一至五晚上9點半翡翠台播映，演員陣容包括陳展鵬、唐詩詠、陳山聰、劉穎鏇（Tiffany）、林子善、沈震軒、王君馨、劉佩（Moon）、歐瑞偉、張國強、吳家樂、楊卓娜、伍樂怡等。上周講到吃下毒粥的明仔（潘墨凌飾）獲Q姨（唐詩詠飾）救回一命，被黑白兩道搜刮的高佬（楊證樺飾）父子暫借宿Q姨屋企避風頭；今（7日）晚一集父子倆將被黑幫追斬，被擄走的明仔慘成「肉參」……之後高佬驚現堂口大會，爭做下一任坐館的黑幫大家姐韋瑞琦（王君馨Grace飾）和黑幫頭目賀慶隆（歐瑞偉飾）則因為高佬的一番說話鬥爭愈演愈烈……
今晚一集重頭戲，必定落在一班「超能使者」以身犯險深入藏參陣營勇救明仔，除了連場激烈打鬥，還有追逐及槍戰戲，畫面刺激震撼。劇中阿鏈（陳展鵬飾）一直予人感覺貪生怕死，殊不知潛藏的「正義基因」竟在危急關頭爆發兼升呢，更會孖住Open姐（劉穎鏇飾）「零Gear」上陣齊心殺敵……當中Open姐跟歹徒肉搏一幕先後連環施飛踢、拳打等招數，可觀性爆燈！不過其間阿鏈因超能力忽然失靈身陷險境，預告片所見更被槍指住額頭，相當緊張。至於擁有「刀槍不入」超能力的高勇（陳山聰飾），則有置身子彈橫飛的飛身畫面，單看預告及劇照亦能感受到箇中的緊張感。
該幕除了拍攝場口多兼趕時間要追日光外，演員們應付武術指導郭追的嚴格要求亦是不容半點鬆懈，幸自幼有運動底的Tiffany拍動作戲很快便上手，監製Jazz亦大讚她很有天份。Tiffany受訪時分享了如何在拍攝現場對付自己的弱項High Kick，她笑言一不用埋位就落力拉筋，好讓正式拍攝時能踢得更高更直，最終Tiffany的努力亦沒有白費，只NG了5次便收貨。提到拍攝期間要Keep住補妝遮掉手腳瘀痕，Tiffany則認為辛苦是值得的：「記得第二日我成身好㾓痛，因為突然用咗啲平時完全冇練過嘅肌肉。雖然拍打戲係辛苦，但見到成果好有滿足感，亦拍得非常開心，唔少朋友都話估唔到我做到癲喪嘅一面，我覺得好有成功感。」
陳山聰炎夏連環出招「讓子彈飛」
Jazz 也額外率先披露今晚該場「救人」CG 戲的拍攝苦況,先說以「自主 Fast Forward」演「靜止子彈戲」的展鵬,原本 Fast Forward 拍戲已很不容易,這場戲還要抱住明仔以加快至少兩至三倍的速度,再連續來回喪跑七至八次,真的非常考體力,而展鵬拍攝期間更一度扭傷腰。而憑空想像「子彈橫飛」的山聰,則要捉準時間做反應,甚考反應、想像力及演技, Jazz補充指拍攝當日天氣炎熱,山聰更在如此情況下大耍 10 多招功夫絕不容易, Jazz說:「好彩佢做開運動又大隻,否則好易會虛脫。」
今晚另一焦點,則是瑞琦與賀慶隆之間的精彩對決,Grace 預告片中一句:「江湖事,江湖了」,字字鏗鏘兼滲出濃濃戲味,令人相當期待她與歐瑞偉鬥智鬥狠鬥演技的場口。其實Grace 出場至今「霸氣」盡露早已贏盡網民關注,獲讚型格兼好戲,而與她有著「耐人尋味」關係的餐廳老闆袁家富(袁叔,張國強飾),本周真實身份亦會揭開!日前子善、Tiffany、Moon 等於 IG 開 Live 時,便搶先爆袁叔真實身份是「猛人」,更大派貼士叫大家要留意袁叔紋身。
