（2023年2月28日）由邵氏兄弟及優酷出品，樂易玲擔任總製片人的《香港信貸特約：廉政狙擊》，逢周一至五晚九點半翡翠台播映，由黃宗澤、吳卓羲、王浩信、譚俊彥、胡定欣、蔡思貝、林夏薇、黃智雯領銜主演，主要演員有陳展鵬、黃智賢、郭政鴻、方力申、高鈞賢、黃子恆、蔡潔、傅嘉莉、羅霖、黎燕珊等。
昨晚（27日）一集，王浩信飾演的韋Sir帶領O記手下潛伏雍華盛薈閉幕禮派對，調查酒店賣淫案，韋Sir受線人臨終前所託照顧的女兒莊慕雪（陳楨怡Celina飾）亦因信錯人捲入其中。當雪雪得悉自己身陷險境，即向韋sir發短訊求救，大為緊張的韋sir根據手下提供線索鎖定目標酒店，但卻遲遲未能尋獲雪雪…就在千鈞一髮，韋sir靠門縫下的光源尋獲雪雪，可惜雪雪已慘遭狼爪，送往醫院後受驚至不似人形，並因留有陰影情緒失控崩潰。至於虐待雪雪的卓日升（高鈞賢Matthew飾），則因有人通風報訊提前離開了案發現場……
捆綁專家現場輔助拍攝
由於Celina遭Matthew SM一幕極盡視覺震撼，在網絡引起極大迴響。Celina受訪時透露拍攝過程相當專業，劇組更找來「捆綁專家」在現場輔助拍攝：「其實每個結喺邊個位都好講究，我個姿勢喺對手綁喺後面然後要單腳企，再成個人凌空吊喺支架上面，包括頭髮都要綁埋喺繩上面，變相個頭其實郁唔到。同埋身上面啲繩因為好緊，所以基本上係郁唔到，只能間中Hold住落地面休息，綁完皮膚係會有好深嘅麻繩印。導演佢好好，每隔十五分鐘都會問我Ok唔Ok。」被凌空吊了一小時的Celina，又指拍攝最考驗是平衡力：「因為雙手被綁住咗，又要離地吊起，重心好易向前傾，咁就好易會扯到啲頭髮。」
首拍劇即遇視帝王浩信感緊張
而為了將角色驚恐狀態演繹到位，Celina之前做了不少功課：「我自己睇咗好多恐怖片或者虐打題材嘅戲攞靈感，睇吓人哋點樣去表達好驚嘅情緒。同埋要熟讀劇本，我喺屋企基本上長時間拎住劇本，因為現場會緊張、會扣分，所以要好熟對白。」談到首次拍劇即與視帝王浩信對戲，Celina坦言緊張，並謂了解角色後確實有感到壓力：「因為我之前冇拍劇經驗，同埋個角色都有難度，因為佢有好多情緒，又特別多喊戲，我本身又唔係咁易喊嘅人。」
Matthew則透露今次飾演的二世祖確實有點非一般，雖然性格有缺憾又「有啲衰」，但其實單純又易呃，並渴望得到父親認同。他直認當看到劇本上有SM場口時，確實「唔知點」：「但接咗角色就要完全投入，事前都會就場口同對手做溝通，嗰晚Celina好辛苦，因為綁住咗成晚，又要通宵咁拍。其實我一直都想做啲自己未接觸過嘅角色，今次另一個特別嘅地方，係終於第一次同吳卓羲合作拍劇。」對於角色在內地獲封「傻白甜」，Matthew笑言：「我都有設計過啲造型，希望靚仔啲，始終香港先生嚟架嘛，哈哈。」
曾跟單立文胡蓓蔚學唱歌
《廉政》除了演員演技備受好評，四位主角—洛子峰（黃宗澤飾）、以凡（吳卓羲飾）、韋Sir及家晴（黃智雯Mandy飾）之間的友情亦十分入屋，四人的友誼之歌《友共情》更在網絡引起不少迴響，眾人對於視帝合體獻唱大感驚喜，更有不少人大讚Mandy歌聲超乎想像悅耳動聽。昨晚一集，Mandy再下一城於劇中表演街頭busking，並深情演繹了譚嘉儀《Can You Hear》（《白色強人》插曲），不但聲線甜美，而且充滿感情。其實Mandy一直很喜歡唱歌，但因為數年前公開獻唱後被批評唱功差，後來Mandy跟單立文及胡蓓蔚兩公婆學唱歌後唱歌進步不少，是次在《廉政》中一展歌喉亦屢獲好評，獲讚有驚喜：「之前都唔知佢唱到兩嘴，又幾好聽。」據知Mandy劇中將周旋於吳卓羲與黃宗澤之間，而Mandy的芳心爭奪戰更會於本周白熱化，敬請留意。
