（2023年2月17日）由陳維冠（Joe）監製、鄭成武編審的《G-NiiB 微生態配方特約：新四十二章》，逢周一至五晚八點半翡翠台播映，主要演員有陳豪、龔嘉欣（Katy）、鄭子誠、江嘉敏（Kaman）、周嘉洛、鄺潔楹（Judy）、譚凱琪（Zoie）、糖妹（黃山怡）、林景程及易宇航等。
昨晚（16日）劇情再有推進，章經（陳豪飾）幾經苦思下終解開手持六頁紙的「數字密碼」，並發現每頁紙側邊原來另藏玄機。另一邊廂螢嬌（龔嘉欣飾）與哥哥朱古力（林景程飾）及朱若望（易宇航飾）夾計試探Ronald（吳子冲飾），並揭穿Ronald接近阿嬌另有目的，此時臥龍幫突然殺到，阿嬌被拮暈後暈倒兼被綁走，還遭電擊嚴刑拷問……至於一班年青演員江嘉敏（Mon姐/小寶）、周嘉洛（柯仔）及糖妹（「總舵主」Nasa）則繼續負責搞笑，柯仔與總舵主因為同為電單車發燒友一見如故，令Mon姐反變電燈膽，由於江嘉敏演得咬牙切齒又惹人憐愛，加上角色性格入屋，成功贏得大量正評：「全劇佔戲最多係江嘉敏，江嘉敏亦做得好好，可以憑此劇上位」、「好多以前唔鍾意江嘉敏嘅網民，睇過此劇後都對江嘉敏一致正評，幾乎零負評」、「一向唔like佢，但呢套恰到好處」、「可能呢個角色幾啱佢做」、「佢真係做得幾好，有小寶feel」、「其實江嘉敏個角色唔容易演得好，但江嘉敏做到，而且演得好生動，可以上位喇」、「佢雖然好多嘢講又唔覺得佢煩」；而糖妹則獲不少網民大讚有型。
《新四十二章》除了劇情輕鬆，角色的獨特造型亦為網民津津樂道，當中以總舵主的「七彩」造型最為吸睛。其實糖妹出場時已因珠珠耳環惹起關注，有人更從中推斷糖妹另一維度身份；亦有細心網民發現糖妹每次出場都有不同色Tone：黃色、橙色、紫色及藍色等，除了下身上身襯到絕，內外色tone亦十分夾，配以奪目彩虹Boot，著實搶鏡。糖妹這身打扮的幕後功臣，是在無綫服務多年的服裝指導Phoebe，與Joe合作無間的Phoebe，先後炮製多個令人深刻的角色造型，包括《殺手》的龔嘉欣，及《七公主》結局中的搶眼彩蛋Look。
Phoebe坦言今次再合作聽了阿Joe介紹角色後，腦海即有了各人造型：「多謝網民留意到，每個造型都真係花咗好多心機，希望可以令觀眾覺得煥然一新，同記得藝人呢個Image，今次所有造型都係佢哋以前未試過嘅。」談到糖妹的「七彩」造型，Phoebe透露經過多番構思及找尋，最終決定以民族圖案披肩改裝成短外套，並以闊褲為主，方便糖妹拍打戲：「我希望有少少性感，但又唔可以太暴露。」Phoebe續指由外套到內搭到闊褲到頭巾到耳環甚至鞋襪，都是根據每個場口需要用心搭配。
除了糖妹，飾演臥龍幫成員施單的衛志豪（Michael），造型亦相當獨特，臉上的白蝕妝更是暗藏劇情密碼。Michael曾在社交網透露為了造型，由set頭至化白蝕妝每次至少花上兩小時。在劇中與糖妹一樣動作連場的他，武功同樣贏盡正評，問到首拍打戲難度，Michael說：「呢套劇我冇乜對白，唯一多啲對白就係問功課嗰場，其他全部都係打，都打到周身傷，手腳成日都會撞瘀，都係盡力啦。」Michael又指最難捱的不是打戲，而是爬「雪山」：「啲雪係用粗鹽扮嘅，咁我要爬過啲粗鹽，我估唔到啲粗鹽會整到我隻手損晒，同埋銀到膝頭好痛。」
