（2023年1月26日） J2（82台）今晚年初四（26日）11點播出《不正常愛情研究所》，由J2ers 黃紫恩（Jojo）、吳兆麟（Alan）、胡敏芝（Karen）連同兩位客席嘉賓麥惠琪（Susuca）、文頌男（Koba）主持。今集主題是「拜年的特別技巧」，準備見家長的男女要留意。
農曆新年不少正在拍拖少男少女，都會趁機帶另一半返屋企見家長，今集節目各位主持會分享見家長的見聞。第一步自然是選購拜年禮物，Karen建議送生果，因為方便得來不用諗，雖然略為大路，但勝在易搵。Jojo會揀海味，非常見得人，她說︰「不過就要搵阿媽出手揀。」她自爆早前同男友人父母外出吃飯，對方非常好客，為Jojo夾了一口魚，原來自少Jojo就不食魚︰「呢個時候就要坦白，所以我話『Auntie我揀食，由細到大都唔食魚。不過你哋叫餸唔使就我。』」Jojo接受訪問時澄清對方並非男友︰「有埋其他朋友嘅，好多人，當同auntie、uncle吹水。」另外，講起食魚Susuca原來都是同路人，非常抗拒話一食魚就嘔。
同家長飯聚閒話家常，好自然話題會轉到「做盛行」，Karen話不打算透露自己藝人身份，她說︰「我唔會講做呢行，會話做freelancer、無業人仕，係教育性質，好似呢個節目咪教育人囉。因為佢哋會覺得娛樂圈好複雜、大染缸。」Jojo認同很多父母覺得娛樂圈三教九流，反而要教育他們。
至於Koba見家長，就有過不太愉快經歷，話說有趟跟男友父母見面。其實早在對方母親知道Koba的職業開始，男友母親已不停轟炸，出現「得唔得㗎？娛樂圈啲人好雜」一類問題。今趟Koba親身上門拜會，言談間男友父母單刀直入問︰「想抱孫，可以點？」當場Koba感到非常難堪，有被羞辱感覺，但又不可以發作，到底Koba會如何拆解，留意今晚《不正常愛情硏究所》。最後 Jojo總結經驗，呼籲各位準備見家長的男女，食飯最好到酒樓、餐廳之類的地方︰「就算佢哋想講刻薄說話，係街度都唔會太大聲。喺屋企會畀人捉住同你傾好多嘢、冇得走。」
