由監製文偉鴻（Jazz）、編審盧美雲和梁恩東聯手打造的一連25集無綫55周年台慶劇《星展銀行呈獻：超能使者》，將於今晚9點半翡翠台播放大結局。從經典劇《使徒行者》至《鐵拳英雄》，監製文偉鴻的作品結局往往帶給觀眾不少驚喜，且不乏生離死別的催淚情節，早前Jazz亦預告《超能》結局篇死得人多，更有「超能使者」將領便當。而昨（1日）晚一集，擁有「讀心異能」的高守（林子善飾）因揭發威仔（沈震軒飾）誤殺男護士，威仔一怒之下「魔性」大發，以「奪命吸魂」黑化異能殺死高守！事後威仔一直隱瞞高守的死亡真相，豈料遭賀慶隆（歐瑞偉飾）以此為把柄、同時轉發威仔藏屍的片段向高勇（陳山聰飾）告密，最終被引到貨倉的威仔和高勇大打出手，結果導致兩敗俱傷……
望帶出「有愛就無所不能」訊息
今（2日）晚《超能》大結局，官方昨晚率先於社交網釋出全新預告片，片中Q姨（唐詩詠飾）和Open姐（劉穎鏇Tiffany飾）均穿上白色婚紗、滿面幸福地等待新郎來臨，未料Q姨腦中忽然閃現自己被車撞飛、Open姐小產出血、高勇吐血倒地及阿鏈（陳展鵬飾）被槍擊的驚險畫面，兩女頓時臉色一沉，氣氛緊張，莫非「超能使者」最後會被團滅？據悉，「殺子之仇不報誓不休」的賀慶隆今晚將與「使者」們正面交鋒；同時，威仔竟化身「最強武器」打自己友？對於不少網民盼今次能有Happy Ending，監製Jazz透露：「只可以講最後一集將會穿插於笑與淚之間，而個結局亦都係充滿愛嘅，希望大家睇完會明白『有愛就無所不能』嘅道理啦。」
孖前輩拍喊戲零壓力
昨晚另外兩大高潮位，是眾人於殮房認領高守遺體、及身懷六甲的Open姐阻止高勇找威仔報仇，當中痛失男友的阿七（伍樂怡Kelly飾）喊得悽慘外，飾演Open姐的Tiffany更是演技大爆發。向來爽朗活潑的Open姐自從高勇出現後遺症後，由「開朗少女」變成「憂心女友」，直至高勇打算「送死」尋仇，Open姐爆喊箍實對方說：「我真係唔想個BB一出世就冇咗個爸爸，你就當為咗我或者BB，唔好去啦。」演得相當投入。受訪時，Tiffany表示要代入大肚婆心態又要喊，對她來說難度比拍打戲更高：「每次拍喊戲我都好緊張，可能以前細個好唔鍾意畀人見到自己喊，所以培養到依家好少喊亦好難喊，但呢個心理關口我都慢慢克服緊。」她又感激Jazz與幕後團隊的專業指導、及山聰的耐心引導，以達到最自然的效果。
至於Kelly則謂很難忘拍攝認屍一幕，皆因當日現場氣氛好沉重，眾演員情緒也十分低落，令她好快便投入角色情緒：「我第一次情緒未能及時抽離，拍完嗰場戲心情一路都好低落，需要啲時間先可以平復心情。」問到跟一班前輩同時拍喊戲可有壓力？Kelly說：「冇，因為呢個團隊真係好Nice、好窩心，好似一家人咁。」
