由方浤酌(Ben)監製,葉天成及冼少玲擔任編審、Youku TVB 聯合出品、一連三十集的無綫 55 周年台慶劇《康業信貸快遞呈獻:法證先鋒 V》,逢星期一至五晚八點半翡翠台播放,演員陣容包括黃宗澤、袁偉豪、蔡思貝、蔡潔、洪永城、王敏奕、鄭俊弘、高鈞賢、丁子朗、糖妹、白彪、謝東閔等。
![](https://tvbaw-na-blog.s3.us-west-1.amazonaws.com/2022/11/24012215/09-1024x576.jpg)
昨晚《法證V》重要演員之一丁子朗(丁丁)登場,飾演醫學院學生傅劍成的他,自發調查護老院看護黃茵(曾慧雲飾)及何麗(蘇麗明飾)涉推長者出天台吹風事件,並以巧妙方式協助重案組破案,以免同類虐老事件再次發生。相關虐老個案在互聯網引發不少共鳴,不少網民大感唏噓:「出面係咪好多老人院都係咁?2個姑娘打理20個老人家生活咁癲?」、「其實院舍人手不足問題一直都有」、「唉,老人家真係好慘」、「唔明啲冇愛心嘅人點解要去做照顧長者/幼童嘅工作,做得唔開心仲要虐待佢哋」。
![](https://tvbaw-na-blog.s3.us-west-1.amazonaws.com/2022/11/24012141/03-1024x576.jpg)
另今年年頭在《萬千星輝頒獎典禮2021》上奪得「飛躍進步男藝員」的丁丁,獲獎後繼續來勢洶洶,先後參演了《青春不要臉》、《金宵大廈2》、《美麗戰場》、《下流上車族》及《法證先鋒V》共五套劇集,《青春》及《美麗》中的熱血及渣男角色更成功令觀眾留下深刻印象,有網民笑指丁丁是「新一代劇霸」。演開陽光男孩的丁丁,在《法證V》再度突破自己飾演自閉陰沉天才男,對製造標本有濃厚興趣。為配合角色,丁丁拍攝時需接觸真實松鼠標本,在其中一條官方花絮片中,對著松鼠標本的丁丁未正式開機前全程表現驚青兼瘋狂喊驚,又不敢直視標本。不過正式埋位後,丁丁即專業地對著松鼠標本認真演戲。問到拍攝感受,丁丁笑指要應付真標本真的很可怕:「我本身真係好驚,但又要做到好鍾意咁,真係好大挑戰!因為縫嗰吓係縫落個標本度,所以真係要克服恐懼。」
丁丁又謂《法證V》角色與其真實性格很大差異:「個角色係一個好冷靜同寡言嘅人,同埋有戀屍癖,同我之前嘅角色好唔似,可以話係入行以嚟最喜歡角色之一。」丁丁又指為了演好角色,事前做了不少功課:「因為同我本人都爭好遠,我要好努力去搣甩某啲習慣,譬如講嘢要唔好望人,同埋睇咗好多參考。」談到今年先後有五部劇集出街,丁丁坦言很開心:「因為拍嘅戲全部都係我好鍾意嘅,真係覺得自己非常幸運。我最開心係五個角色都唔一樣,可以呈現到五種唔同嘅人畀觀眾睇,我覺得呢個會係做演員最大嘅喜悅同埋係成就解鎖。」
![](https://tvbaw-na-blog.s3.us-west-1.amazonaws.com/2022/11/24012513/16-2-1024x563.jpg)
明天將有兩大新個案「紙盒藏屍案」及「水泥藏屍案」同時展開,除了有好戲之人張國強及楊玉梅加持外,還有兩大「後起小花」—包括在單元中一人分飾兩角的陳曉華,以及近日憑無敵童顏人氣勁升的羅毓儀客串演出。之前憑《鐵探》一個交足戲眼神成功彈出的15歲演員江芷銦,在劇中亦有不少發揮機會,絕對值得留意。