昨晚(14 日)11 點 J2 (82 台)播出的《J2ers‥晚間聽聞》由周 奕瑋(Jarvis)、黃紫恩(Jojo)、葉靖儀(Michelle)、吳兆麟(Alan)、同布樂文(JB)主 持。
昨晚一集《J2ers‥晚間聽聞》主題是講另類營銷手法，Jojo 提到佐敦某光速快餐店的銷售手法是「簡單、直接、粗暴」，她話‥「客人唔一定係啱，你未食過唔識睇資料?你食過都唔知規矩?侍應永遠都有機會話你。」自言有被虐待狂的 Jojo，自爆早前第一次光顧，本住挑機的心態準備被人鬧。當日跟幾名同事入座，侍應一如既往上前問「點呀食咩呀?」，一心挑機的 Jojo 反問‥「有咩好介紹?」她形容該位侍應，手持落單紙抬頭向天深呼吸一下後，居然沒有發作，跟住指着牆上的餐牌叫各人揀。Jojo 接受訪問時笑言，可能當日侍應心情好‥「佢當時好無奈笑咗一下，嗰日我係同公司一啲藝人同事去，可能佢認到都唔出奇，其實班侍應幾 nice。」
此外，Michelle 提到某連銷咖啡店，會在紙杯上寫上客人的名字，但又必定會寫錯，原來是一種名為「病毒性營銷」(Viral Marketing)手法，她說‥「用意係引網民將照片上載到社交平台，免費等品牌曝光增加宣傳。之後寫啱、寫錯啲人都會 post。」Jojo 話試過被人寫過「Yoyo」、「Coco」甚至「Jo」，她笑說‥「總之啲字唔齊，唔知係咪銷售技巧。」
另外，今晚(15 日)播出的《J2ers‥關注關注組》由鄧梓峰、伍韻婷(Juliana)、何泳芍(Honey)、廖慧儀(Jessica)、譚焯升(Clevis)、陳國麟(Doniven)同陳欣茵(Sonya) 主持，今次關注是近年大熱的兩餸飯。
香港疫情持續，買外賣在家食飯成為日常。應運而生的兩餸飯店如雨後春筍，非正式統計目前有超過 300 間店經營，梗有一間在左近。網上開設的「兩餸飯群組」最多一群的人數達 8 萬多人。Jessica 好早已經係捧場客，而在外國長大的 Juliana 亦是同好，因為父母不在身邊，少了住家飯食，兩餸飯令她有住家飯感覺，不諳中文的她笑言每次都靠「篤」 點餸，而兩餸飯熱潮連外國新聞都有報導，可算打入國際。
節目中 Sonya 同 Doniven 走到街頭，實試 3 間兩餸飯名店，頭兩間兩餸都是出自油麻地區，30 多元有交易，餸菜包括‥生炒骨、黑醋骨、四季豆、豉椒豬肚、鯇魚及蝦，最名貴的是購自金鐘的紅酒燴牛腩、蒲燒鰻魚兩餸飯，價值 70 多元。到底是否一分錢、一分貨，CP 值(性價比)又會是那一款飯最高?自稱「兩餸達人」的 Doniven 今晚會有食評。
